蘋果日報，隔牆有耳，李八方，2011-08-01

獨立媒體早前接到投訴，話中大圖書館電腦block咗佢哋個網頁，仲持續咗近一年咁耐。大學講學術自由，竟然玩河蟹咁離譜？獨媒即刻派人親身去中大圖書館調查。探子回報，喺圖書館電腦睇賭博、鹹網或者同性戀嘅嘢通通冇事，偏偏睇獨媒網頁http://www.inmediahk.net/就入唔到。

正當獨媒想投訴，有人發現中大圖書館突然「放行」。獨媒負責人唔想猜測箇中原因，但佢哋連番報道中大評議會選舉事件，對中大校方高層好有意見，會唔會因為咁出事呢？中大就回應話圖書館電腦一向可以順利登入獨媒網站，強調任何用戶都可以喺校內圖書館電腦自由瀏覽任何網站。

註：香港獨立媒體網(http://www.inmediahk.net) 為社團伙伴項目